Անցյալ տարի Հռոմի Պապի կողմից Հայոց ցեղասպանության հարցում կատարած լուրջ քայլը անբեկանելի է։ Այս մասին փետրվարի 5-ին կայացած մամուլի ասուլիսի ժամանակ ասել է ՀՀ ԳԱԱ Արեւելագիտության ինստիտուտի տնօրեն, թուրքագետ Ռուբեն Սաֆրաստյանը՝ անդրադառնալով Վատիկանից հետ կանչած իր դեսպանին վերադարձնելու Թուրքիայի որոշմանը։
Սաֆրաստյանի խոսքով՝ պետք է մի փոքր էլ սպասել։ «Վաղ է ինչ-որ եզրակացություններ անել։ Այդ հարցին պետք է շատ զգույշ մոտենալ։ Թուրքիայի խորամանկությունները չպետք է մեզ ստիպեն հապճեպ քայլերի դիմել։ ԱՄեն բան պարզ կդառնա այսօրվա ընթացքում։ Վատիկանը կորոշի ինչ անել»,- նշել է թուրքագետը։
Հիշեցնեք, որ փետրվարի 3-ի Թուրքիան որոշել էր Վատիկան վերադարձնել Մեհմեդ Փեչաջիին, ով արդեն 10 ամիս է՝ հետ էր կանչվել Թուրքիա այն բանից հետո, երբ Հռոմի Պապ Ֆրանցիսկոսը Ցեղասպանության զոհերի հիշատակին նվիրված պատարագ էր մատուցել։
Թուրքիայի ԱԳՆ-ն հայտարարել էր, թե ինքը նման որոշում է կայացրել այն բանից հետո, երբ Վատիկանի մամուլի ծառայությունը «գնահատել է» հայերի տեղահանությունների ուսումնասիրության հանձնաժողով ստեղծելու 2005թ. Թուրքիայի առաջարկը։
ՀՀ ԱԳՆ մամուլի խոսնակ Տիգրան Բալայանը Twitter-ում գրել էր, որ թուրքական կողմի այն հայտարարությունները, թե Վատիկանը մի քայլ հետ է կատարել, ամբողջությամբ կեղծ են։