Instagram-ը մի հաշվից մյուսին անցնելու գործառույթ է մտցնում, տեղեկացնում է Gazeta-ն` վկայակոչելով Tech Insider-ին:
Հաշվի հնարավոր փոփոխությունները հատկապես ակտուալ են այն օգտատերերի համար, որոնք աշխատանքային նպատակներով միանգամից մի քանի հաշիվ ունեն:
Այս պահին նոր գործառույթն աշխատում է թեսթային ռեժիմում եւ մատչելի է օգտատերերի ընդամենը մի մասին:
Նոր գործառույթի կիրառության դեպքում օգտատերը կկարողանա «լայքերի» եւ մեկնաբանությունների մասին տեղեկություններ ստանալ միանգամից մի քանի հաշվից: