Շիրակի մարզի Ազատան գյուղում գյուղացիներն իրենց կարտոֆիլի բերքը ստիպված իրացնում են 110-120 դրամով: Այս մասին այսօր՝ փետրվարի 5-ին, NEWS.am-ի հետ զրույցում ասաց Ազատանի գյուղապետ Վարդան Իկիլիկյանը։

Նրա խոսքով, 2015թ. գյուղացիները կարտոֆիլի առատ բերք են ստացել, սակայն, բերքի ամբողջ ծավալը մինչեւ հիմա ամբողջությամբ իրացնել չի հաջողվում։

«Աշնանը կարտոֆիլը 180-200 դրամով վաճառում էին, սակայն կարտոֆիլի բերքի մեծ մասը մնացել է ու հիմա ստիպված 110-120 դրամով են իրացնում։ Բերքը հիմնականում Վրաստան էր արտահանվում, բայց հիմա դադարեցվել է։ Այս պահին բերքի հիմնական մասը մթերվել է, բայց  ոչ ամբողջությամբ»,-ասաց գյուղապետը։