Ղազախստանի փոխվարչապետ, Դարիգա Նազարբաեւան փետրվարի 5-ին կրթության եւ գիտության նախարարության կոլեգիայի նիստում հայտնել է, որ հանրապետության քաղաքացիները ոչ հեռավոր ապագայում պետք է չինարեն սովորեն, հայտնում է informburo.kz-ը։
«Ոչ հեռավոր ապագայում մենք բոլորս պետք է սովորենք նաեւ չինարեն։ Դա մեր հզոր հարավային հարեւանն է, դա մեր ճակատագիրն է»,- ասել է նա։
Նազարբաեւան նշել է, որ Չինաստանի ղեկավարությունը մտածում է 100 տարվա հեռանկարով։
Նազարբաեւան նաեւ հիշեցրել է, որ անհրաժեշտ է իրականացնել «եռալեզու» հասարակության խնդիրը, որը երկրի առաջ դրել է նախագահ Նուրսուլթան Նազարբաեւը։