Թուրքիայի զինված ուժերը փետրվարի 3-ին Քուրդիստանի բանվորական կուսակցության (ՔԲԿ) անդամների դեմ երկրի սահմաններից դուրս գործողություն են իրականացրել: Այդ տեղեկությունը փոխանցել է NTV հեռուստաալիքը` վկայակոչելով բանակի հայտարարությունը:
Ավիահարվածը հասցվել էր գիշերը` հյուսիսիրաքյան Ղանդիլի շրջանում ՔԲԿ-ի հետ կապված նշանակետերի նկատմամբ բարձր ճշգրտության ռումբերի կիրառությամբ: Գործողությանը մասնակցել են F-4 եւ F-16 ինքնաթիռներ: Հաղորդվում է, որ ոչնչացվել են նշանակետերը, որոնց թվում են զինապահեստներ, վառելիքի ցիստեռններ եւ թաքստոցներ:
Թուրքիայի գլխավոր շտաբի պաշտոնական կայքում այդ թեմայով հայտարարություն դեռեւս չկա, տեղեկացնում է ՏԱՍՍ-ը:
