WikiLeaks-ի հիմնադիր Ջուլիան Ասանժը ՄԱԿ փորձագետների որոշումը հաղթանակ է որակել, հայտնում է Sky news-ը:
«Դա հիանալի է: Դա հաղթանակ է, որը չի կարելի հերքել»,- ասել է Ասանժը լրագրողներին Լոնդոնում Էկվադորի դեսպանատան պատշգամբից, փոխանցում է «Ռոսբալտ»-ը:
Միաժամանակ լրագրողները Լոնդոնում Էկվադորի դեսպանատան մոտ գնել են նկարահանման բոլոր տեղերը, որտեղ շուրջօրյա հերթապահություն են իրականացնում: Նկարահանելու համար համար դիրքերը վաճառվել են 500 ֆունտով, փոխանցում է RIA Novosti-ն:
Հիշեցնենք, որ փետրվարի 3-ին ՄԱԿ աշխատանքային խումբը անհիմն է ճանաչել Wikileaks–ի հիմնադիր Ջուլիան Ասանժի նկատմամբ հետապնդումը: Խմբի եզրակացությունների համաձայն՝ Ասանժի նկատմամբ հետապնդումը պետք է դադարեցվի, բացի դրանից՝ ակտիվիստին պետք է փոխհատուցում պահանջելու իրավունք տրամադրվի: