Թուրքիայի հարավարեւելյան Շիրնաքի նահանգում նահանգապետի աշխատակազմը հայտնել է, որ վերջին 2 օրվա ընթացքում զոհվել է 1 ոստիկան եւ Քրդական բանվորական կուսակցության 13 ապստամբ:
«Ջիզրեում փետրվարի 4-ին անջատողական ահաբեկչական կուսակցության անդամները կրակել են մեր ուժայինների վրա: Հրաձգությունից զոհվել է մեկ ոստիկան եւ 9 ահաբեկիչ: Լքելով գրաված շենքը՝ ահաբեկիչները հրդեհել էին այն: Փետրվարի 5-ին ահաբեկիչները նռնականետներով գրոհել են անվտանգության վարչության շենքը: Պատասխան կրակից սպանվել է 4 ահաբեկիչ», — ասված է նահանգախպետի կայքում տեղակայված հայտարարության մեջ, փոխանցում է RIA Novosti-ն: