Թայվանում գրանցված ուժեղ երկրաշարժից հետո Facebook սոցցանցը ակտիվացրել է «Անվտանգության ստուգում» գործառույթը, որի շնորհիվ օգտատերերը կարող են հայտնել, որ իրենք ողջ են ու տեղեկանալ իրենց մտերիմների մասին : Այդ մասին իր էջում հայտնել է ցանցի հիմնադիր Մարք Ցուքերբերգը:
«Մենք Թայվանի երկրաշարժից հետո ակտիվացրել են «Անվտանգության ստուգում» գործառույթը... Եթե դուք այս պահին վտանգի գոտում եք, համակարգն ավտոմատ կերպով ձեզ կխնդրի նշել, որ ձեզ հետ ամե ինչ կարգին է»,- գրել է նա, հայտնում է Gazeta–ն:
Վերջին անգամ ընկերությունն այս գործառույթն ակտիվացրել էր նոյեմբերին՝ Նիգերիայում տեղի ունեցած պայթյուններից ու փարիզյան ահաբեկչություններից հետո:
6.4 մագնիտուդով երկրաշարժի հետեւանքով Թայվանի հարավ -արեւմուտքում մի քանի շենք է փլուզվել: Առայժմ հայտնի է հինգ զոհերի մասին:
