Հունաստանի ուժային կառույցների աշխատակիցները՝ ոստիկանները, հրշեջ ու առափնյա ծառայության աշխատակիցներն ուրբաթ երեկոյան Աթենքում բողոքի ակցիա են անցկացրել, որի ընթացքում փորձել են խորհրդարան մտցնել ավանակի, հայտնում է «Պրոտո տեմա» թերթը:
Ուժայինները դեմ էին ատահայտվում կենսաթոշակային բարեփոխման ծրագրին, որով իրենք զրկվելու են կենսաթոշակի զգալի մասից: Հունաստանի մայրաքաղաքի փողոցներ էր դուրս եկել մոտավորապես հինգ հազար մարդ, հայտնում է «ՌԻԱ Նովոստին»:
Ակցիայի մասնակիցները փոքր բեռնատար մեքենայով քաղաքի կենտրոն են տարել մի ավանակի: Կենդանու մեջքին պաստառ էին կախել, որի վրա վարչապետի, աշխատանքի նախարարի՝ կենսաթոշակային բարեփոխման ծրագրի հեղինակի, եւ ներքին գործերի փոխնախարարի լուսանկարներ էին փակցված եւ գրված էր «Պարոնայք, մեր ավանակային համբերությունը սպառվում է»:
Սակայն ծառայության մեջ գտնվող ոստիկանները թույլ չեն տվել, որ իրենց գործընկերները կենդանու հետ մոտենան խորհրդարանի շենքին, հայտնում է պարբերականը: Ավանակին մեծ դժվարությամբ նորից բեռնատար են տեղափոխել ու հեռացրել խորհդարանի շենքից:
Պարբերականը նաեւ հայտնում է, որ ուրբաթ ոստիկանությունը հետիոտնի համար փակել էր այն փողոցը, որտեղ վարչապետի ու նախագահի նստավայրերն են գտնվում: