Աֆղանստանի Նանգարհար նահանգում ԻՊ ահաբեկչական կազմակերպության առնվազն 28 զինյալ է ոչնչացվել՝ երկրի անվտանգության ուժերի անօդաչուների հարվածի հետեւանքով, հայտնում է «Պաժվակ» գործակալությունը՝ վկայակոչելով տեղական իշխանությունները:
Աֆղանստանում իրավիճակը վերջին մի քանի ամիսներին նկատելիորեն վատացել է: «Թալիբան» արմատական շարժոմը, որը ավելի վաղ զավթել էր զգալի գյուղական տարածքներ,հիմա արդեն սկսել է գրոհել խոշոր քաղաքների վրա: Երկրի տարածքում նաեւ աճել է ԻՊ արմատական խմբավորման ազդեցությունը, հայտնում է «ՌԻԱ Նովոստին»:
«Թալիբանը» ու ԻՊ –ն համարվում են մրցակից խմբավորումներ: Հունիսի կեսերին լրատվամիջոցները հայտնել էին այն մասին, որ «Թալիբան» շարժման ներկայացուցիչները նամակ են ուղարկել ԻՊ-ին՝ կոչ անելով չմիջամտել Աֆղանստանում թալիբների գործերին: Ավելի վաղ այդ խմբավորումների միջեւ Աֆղանստանի տարածքում ընդհարումներ էին եղել: