Թուրքիայի քրդաբնակ Շրնաք նահանգի Ջիզրեի շրջանում զինվորականների հրետակոծության հետեւանքով առաջացած հրդեհի հետեւանքով 9 քաղաքացի է մահացել։

Թուրքական BirGun-ի փոխանցմամբ՝ թուրք զինվորականները հրետակոծել են բնակելի շենքը, որտեղ հրդեհ է բռնկվել։  Փլված շենքից դուրս գալ չկարողացած 9 բնակիչ այրվելով մահացել են։

Քուրդ պատգամավորները Թուրքիայի ՆԳ նախարարին խնդրել են թույլ տալ, որ շտապօգնության մեքենան մոտենա փլված շենքին, սակայն դրական պատասխան չեն ստացել։

Նշենք, որ Թուրքիայի քրդաբնակ Ջիզրեում արդեն 60 օր փողոց դուրս գալու արգելք է սահմանվել, ինչի հետւանքով ամեն օր սպանվում են անմեղ քաղաքացիներ։ Թուրքական անվտանգության ուժերը կրակում են ցանկացած շարժվող կետի ուղղությամբ։