Սիրիայի ղեկավարությունը ՄԱԿ-ից խնդրել է Ժնեւի բանակցություններում ընդդիմությունը ներկայացնողների ցուցակը, քանի որ մտադիր չէ խոսել «ուրվականների» հետ: Այս մասին Դամասկոսում մամուլի ասուլիսի ժամանակ հայտնել է ՍԱՀ ԱԳՆ ղեկավար Վալիդ Մուալլեմը:
«Մենք Սիրիայի հարցերով ՄԱԿ-ի հատուկ դեսպանից պահանջել ենք այն անձանց ցուցակը,որոնց հետ մենք պետք է զրուցենք բանակցությունների ժամանակ: Քանի որ մենք մտադիր չենք զրուցել ուրվականների հետ»,- ասել է Մուալլեմը:
Նախարարը նշել է, որ Սիրիայի ղեկավարությունը պատրաստ է եկրխոսության առանց նախապայմանների, հայտնում է «ՌԻԱ Նովոստին»:
Սիրիայի կառավարության ու սիրիական ընդդիմության ներկայացուցիչների միջեւ ժնեւյան բանակցությունները սկսվել էին հունվարի 29-ին: Դրանք անց են կացվում ՄԱԿ Անվտանգության խորհրդի թիվ 2254 բանաձեւի համաձայն: Ավելի վաղ ՄԱԿ Սիրիայի հարցերով հատուկ դեսպանը հայտնել էր, որ Ժնեւում միջսիրիական բանակցություններում ժամանակավոր դադար է սկսվել, նոր փուլը ծրագրված է փետրվարի 25-ին: