Քաղաքական իրավիճակն աննախադեպ է իր հանդարտությամբ 2017-ի խորհրդարանական ընտրություններին ընդառաջ: Այս մասին NEWS.am-ի հետ զրույցում ասաց ԲՀԿ խմբակցության պատգամավոր, նախկին ԲՀԿ-ական Ստեփան Մարգարյանը:
«Աննախադեպ է հանդարտության առումով, կարծես թե 2017 չկա: Անորոշություն է, բայց ենթադրում եմ` շուտով կսկսվեն վերադասավորումներ»,-ասաց Ստեփան Մարգարյանը:
Մեր հարցին, թե ի՞նչ է սպասվում հատկապես ԲՀԿ-ն լքած այն պատգամավորների հետ, որոնք համարվում են Վարդան Օսկանյանի թիմակիցները: Հնարավո՞ր է կուսակցություն հիմնեն, ինչի մասին այդքան խոսվում է, ասաց. «Այնպես չի, որ ես կամ իմ մյուս ընկերները չենք մտածում մեր քաղաքական ապագայի մասին, բայց թե ինչ կլինի, ես հիմա չեմ կարող ասել»:
Այնուամենայնիվ, Ստեփան Մարգարյանը շեշտեց, որ 2017-ին պատրաստվելու նպատակով կուսակցություն հիմնելու համար եղած ժամանակը քիչ չէ:
