SETI (Search for Extraterrestrial Intelligence) նախագծի աստղաֆիզիկոս Ջիլ Թարթերը նշել է երկու պատճառ, թե ինչու մարդկությունը մինչեւ հիմա կապ չի հաստատել այլմոլորակային քաղաքակրթությունների հետ:
Առաջին պատճառը Տիեզերքի հսկայական չափն է: Մարդու կողմից Տիեզերքում ուսումնասիրված տարածքը մասնագետը համեմատել է համաշխարհային օվկիանոսից բաժակի մեջ լցված ջրի հետ:
Երկրորդ պատճառը, Lenta-ի փոխանցմամբ, տեխնոլոգիական է: Թարթերի կարծիքով, մարդկությունը, ամենայն հավանականությամբ, դեռեւս չի բացահայտել (կամ նկատել) այլմոլորակայինների հետ շփման անհրաժեշտտ ձեւերը:
Գիտնականը նաեւ կարծում է, որ եթե այլմոլորակայինները Երկիր այցելեն, ապա նրանք «կսահմանեն խաղի կանոնները», ինչի պատճառը նրանց տեխնոլոգիական զարգացման ավելի բարձր մակարդակն է: