Բանակում ողնաշարի հատվածում ստացած հրազենային վնասվածքի պատճառով հաշմանդամություն ձեռք բերած Սամվել Ավետիսյանը մեկնել է Գերմանիա` բուժման նպատակով: Այս մասին NEWS.am-ի հետ զրույցում ասաց Սամվելի կինը` Էմմա Եղիազարյանը:
Ավելի վաղ տեղեկացրել էինք, որ բանակում ողնաշարի հատվածում ստացած հրազենային վնասվածքի պատճառով հաշմանդամություն ձեռք բերած Սամվել Ավետիսյանի բուժման համար Երեւանի Հյուսիսային պողոտայում մի քանի անգամ կազմակերպվել է դրամահավաք:
Սամվելի բուժման հավանականությունը Գերմանիայում 80-90 տոկոս է:
Սամվելը ծառայության ընթացքում իրեն ամրակցված հրազենով անզգուշաբար վնասվածք է ստացել պարանոցի հատվածում և արդեն երեք տարի գամված է անվասայլակին։