Ֆինլանդացի հրշեջ Յոոնաս Մյակիպելտոն համաշխարհային ռեկորդ է սահմանել՝ կատարելով 5050 ձգում, հայտնում է Yle-ն։ Նրան անհրաժեշտ է եղել 18 ժամ, որպեսզի գերազանցի նախորդ լավագույն արդյունքը՝ 5045 ձգում։ Հրշեջի խոսքով՝ ինքը պլանավորում էր 6 հազար անգամ ձգվել, սակայն իրեն խանգարել է ուսի վնասվածքը, որը ստացել է փորձը սկսելուց 8 ժամ անց։

Միջոցառումը սկսվել էր փետրվարի վեցին։ Մինչեւ վերջ սպասել է ֆինլանդացու աջակցության 4-հոգանոց խումբը եւ Գինեսի ռեկորդների գրքի ներկայացուցիչը, փոխանցում է «Իննտերֆաքս»-ը։