«Վրաստանի պետական էլեկտրահամակարգը» սկսել է Ռուսաստանից Հայաստան եւ Ադրբեջանից Թուրքիա երկու ուղղություններով տարանցիկ միջանցքի գործառույթի իրականացումը։
«Փետրվարի 5-ին սկսվել է Ռուսաստանից Հայաստան էլեկտրաէներգիայի տրանզիտը, որն օրական կսզմում է միջինում 30 մեգավատ հզորություն։ Փետրվարի 7-ին սկսվել է Ադրբեջանից Թուրքիա մոտ 80 մեգավատ հզորությամբ էլեկտրաէներգիայի տրանզիտի իրականացումը»,- փոխանցում է «Գրուզիա Օնլայն»-ը։
«Այդ տրանզիտների իրականացման արդյունքում Վրաստանն ամեն ամիս մոտ 1 մլն լարի եկամուտ կունենա»,- հայտնել են «Վրաստանի պետական էլեկտրահամակարգից»։
