ԱՄՆ-ում ոստիկանները «կալանավորել են» Չաքլզ 8-րդ մականունով էգ արջամկանը սխալ կանխատեսումներ անելու համար, հայտնում է NBC Connecticut-ը։ Կենդանին Քոնեքթիքութի բնակիչներին վաղ գարուն էր խոստացել, սակայն այդ կանխատեսումից մի քանի օր անց տարածաշրջանում ձնաբուք է մոլեգնել։
Տեղի իրավապահները որոշել են կենդանուն պատասխանատվության կոչել։ Արջամկան կալանքի մասին ոստիկանները հայտնել են Facebook-ում եւ տեղադրել «կալանավորված» արջամկան լուսանկարը, փոխանցում է Gazeta-ն։
Ոստիկանությունից հայտնել են, որ Չաքլզ 8-րդը բանտում կանցկացնի 6 շաբաթ։ Վաղաժամ ազատման համար 10 հազար դոլար են պահանջում, որը կտրամադրվի տեղի մանկական թանգարաններից մեկին։
