ՌԴ ԱԴԾ-ն Եկատերինբուրգում ձերբակալել է «Իսլամական պետություն» խմբավորման կազմի մեջ մտնող խմբավորման 7 անդամների, որոնք ահաբեկչություններ էին պլանավորում Մոսկվայում, Սանտ Պետերբուրգում եւ Ուրալում, հայտնել են ԱԴԾ հասարակայնության հետ կապերի բաժնից, փոխանցում է «ՌԻԱ Նովոստի»-ն։
«Անվտանգության դաշնային ծառայությունը փետրվարի 7-ին Եկատերինբուրգում ձերբակալել է «Իսլամական պետություն» ահաբեկչական կազմակերպության կազմի մեջ մտնող խմբավորման 7 անդամների, որոնք Ռուսաստանի եւ Կենտրոնական Ասիայի տարածաշրջանի քաղաքացիներ են։ Նրանք ինքնաշեն պայթուցիկ սարքերի միջոցով ռեզոնանսային ահաբեկչական ակտեր էին պլանավորում Մոսկվայի, Սանկտ Պետերբուրգի եւ Սվերդլովսկի մարզի տարածքում»,- ասված է հաղորդագրության մեջ։
Եկատերինբուրգում ձերբակալված գրոհայինների խումբը ղեկավարում էր Թուրքիայից ՌԴ ժամանած ԻՊ մի ահաբեկիչ։
