Ավան եւ Նոր Նորք վարչական շրջանների ընդհանուր իրավասության դատարանի նախագահ Սամվել Ուզունյանը ՀՀ Արդարադատության խորհրդին դիմում է ներկայացրել՝ դատարանի նախագահի պաշտոնից հրաժարվելու մասին: Այս մասին NEWS.am-ին տեղեկացրեց դատական դեպարտամենտի ղեկավարի առաջին տեղակալ Աննա Վարդապետյանը՝ նշելով, որ Սամվել Ուզունյանը դիմումում խնդրել է նաեւ իրեն հնարավորություն տալ դատարանում աշխատանքը շարունակել որպես դատավոր:
Դիմումը ներկայացվել է օրեր առաջ:
Արդարադատության խորհուրդը դիմումը կքննարկի փետրվարի 12-ին:
Սամվել Ուզունյանը Ավան եւ Նոր Նորք վարչական շրջանների ընդհանուր իրավասության դատարանի նախագահն է 2004թ.: