Այս տարվա հունվարին, նախորդ տարվա համեմատ բենզինի գները նվազել են 15,1 տոկոսով: Այս մասին այսօր` փետրվարի 8-ին, լրագրողների հետ զրույցում ասաց ՀՀ Ազգային վիճակագրական ծառայության նախագահի խորհրդական Գուրգեն Մարտիրոսյանը:
«2015 թ. հունվար-փետրվարի համեմատ, երբ բենզինի, վառելիքի գները հանրապետության սպառողական շուկայում համեմատաբար բարձր էին, 2016թ. հունվարին բենզինի գների նվազում է արձանագրվել` մոտավորապես 15.1 տոկոսով, դիզելային վառելիքինը` 16.2 տոկոսով»,-ասաց նա:
Մարտիրոսյանը նշեց նաեւ, որ միայն այս տարվա հունվարի ընթացքում արձանագրվել է բենզինի եւ դիզելային վառելիքի գների նվազում 4-6 տոկոսի սահմաններում: