Թեքսասի նահանգի Կորպուս Քրիստի քաղաքի քրիստոնեական համայնքը սկսել է 64 մետրանոց խաչ կառուցել, որն իր բարձրությամբ կլինի աշխարհում երկրորդը եւ առաջինը՝ Արեւմտյան կիսագնդում, տեղեկացնում է «Ռոսբալտը»` վկայակոչելով The Christian Post պարբերականը։
«Խաչը սառը եռակցման միջոցով կհավաքվի տարբեր պողպատյա գերաններից: Դրա բարձրությունը 210 ոտնաչափ կլինի (64 մ խմբ), լայնադիր գերանի երկարությունը` 95 ոտնաչափ (մոտ 30 մ ): Հաշվի առնելով քամու ազդեցությունը, այդ մեծությունները կարող են փոփոխվել երկու-երեք ոտնաչափով», — լրատվամիջոցներին տեղեկացրել է խաչի տեղադրման նախաձեռնող քահանա Ռիկ Միլբին:
Խաչի տեղադրման աշխատանքները, պարբերականի տեղեկության համաձայն, հողի նախապատրաստության փուլում են, որի վրա կտեղադրվի խաչը եւ որը հատկացվել է տեղի իշխանությունների կողմից:
Corpus Christi Cross Project նախագծի գումարը կազմում է մոտ մեկ մլն դոլար: Առայժմ կազմակերպիչներին հաջողվել է 142 հազար հավաքել:
Աշխարհի ամենաբարձր խաչը տեղադրված է «Զոհվածների հովտում»` Էսկորիալ արքայական վանքի մոտ, որը Մադրիդից 50 կմ հեռավորության վրա է: Դրա բարձրությունը կազմում է 150 մ, իսկ լայնակի գերանի երկարությունը` 46 մ: