ԱՄՆ Ալաբամա նահանգում երեք տարեկան տղան սպանել է իր ինը տարեկան քրոջը, հայտնում է Lenta–ն՝ վկայակոչելով The Independent–ը:
Ինչպես պատմել են ոստիկանությունում, տղան իր ապուպապի ննջասենյակում լիցքավորված ատրճանակ է գտել ու դրանով կրակել քրոջ գլխին: Աղջկան հիվանդանոց են տեղափոխել ծանր վնասվածքով, որից նա որոշ ժամանակ անց մահացել է:
Իրավապահները կատարվածը «ողբերգական միջադեպ» են անվանել, կատարվածի հանգամանքները ճշտվում են: Տարեց մարդուն սպառնում է պատիժ՝ հրազեն պահելու կանոնները խախտելու համար:
«Սա իմ կյանքի վատագույն արարքն է: Ես ինձ ավելի վատ եմ զգում, քան երբ հորս ու մորս էի կորցրել: Նա իմ երեխան էր, իմ հպարտությունն ու ուրախությունը»,- մեջբերում է պարբերականը տղամարդու խոսքերը: