ԵՏՄ ստեղծումից հետո Ռուսաստանից դուրս ԵՏՄ անդամ երկրների միջեւ առեւտուրն աճել է։ Այս մասին փետրվարի 8-ին կայացած Մոսկվա-Աստանա-Երեւան մամուլի ասուլիսի ժամանակ ասել է Եվրասիական տնտեսական հանձնաժողովի ինտեգրացիայի եւ մակրոէկոնոմիկայի հիմնական ուղղություններով կոլեգիայի անդամ Տատյանա Վալովայան։
Նրա խոսքով՝ կարեւոր է, որ ԵՏՄ անդամ երկրները սկսում են առեւտրի հնարավորություններ փնտրել ոչ միայն Ռուսաստանի, այլ նաեւ միմյանց հետ, թեպետ առաջ այդ ցուցանիշը համեստ էր։ Մասնավորապես Բելառուսի եւ Ղազախստանի միջեւ առեւտուրն ավելի արագ է աճում, քան Ռուսաստանի հետ։ Ոչ մեծ աճ է նկատվում անգամ Հայաստանի եւ Ղրղզստանի միջեւ, որոնք նախկինում գրեթե չունեին տնտեսական կապեր։ «2015թ. տնտեսապես բարդ տարի էր, ԵՏՄ-ում փոխադարձ առեւտեւրը 26 տոկոսով նվազել է։ Իսկ ահա Հայաստանի եւ Ղրղզստանի միջեւ այն փոքր-ինչ աճել է»,- հավելել է Վալովայան։