Կոնգոյի Դեմոկրատական հանրապետության արեւելքում զինված խմբավորումների միջեւ բախումնեի հետեւանքով առնվազն 15 մարդ է զոհվել: Այս մասին հաղորդում է AFP-ը:
Միջադեպը տեղի է ունեցել Հյուսիսային Կիվու նահանգում: Տեղեկություններ չկան, թե հատկապես որ խմբավորումների միջեւ են գրանցվել բախումները:
Ըստ ՏԱՍՍ-ի, անցյալ տարվա փետրվարից Կոնգոյի բանակը գործողություններ է իրականացնում «Ռուանդայի ազատագրման դեմոկրատական ուժերի» զինյալների դեմ, որոնք հրաժարվում են կամավոր վայր դնել զենքը: Նրանք խուտու ցեղի ներկայացուցիչներ են, որոնցից շատերին մեղադրում են 1994 թվականին Ռուանդայում տուտսիների ցեղասպանությանը մասնակցության մեջ:
Կոնգոյի Դեմոկրատական հանրապետությունում 18 հազար զինծառայող ներառող ՄԱԿ-ի խաղաղարար առաքելություն է տեղակայված: