ՆԱՏՕ-ի պաշտպանության նախարարների խորհրդում Թուրքիան եւ Գերմանիան փախստականների խնդիրների քննարկում կնախաձեռնեն: Այս մասին Գերմանիայի կանցլեր Անգելա Մերկելի հետ հանդիպումից հետո հայտարարել է Թուրքիայի վարչապետ Ահմեդ Դավութօղլուն: Նախարարների խորհրդի նիստը նախանշված է փետրվարի 11-ին
«Մենք նաեւ միասնական ջանքերով փորձում ենք այնպես անել, որպեսզի փախստականների հոսքի հետ կապված ՆԱՏՕ-ի դիտորդական եւ վերահսկողական մեխանիզմներն արդյունավետորեն իրականացվեն սահմանին (Թուրքիայի եւ Սիրիայի) եւ Էգեյան ծովում»,- նշել է Դավութօղլուն:
Ըստ ՏԱՍՍ-ի, նա հավելել է, որ Անկարան առաջիկայում Բրյուսելին կփոխանցի «ոլորտների ցանկը, որոնք ԵՄ-ի կողմից ֆինանսավորման կարիք ունեն»: Իսկ կառույցը համաձայնել է 3 մլրդ դոլար հատկացնել փախստականների կարիքների համար: