«Նոբելյան օրեր» միջոցառման շրջանակում այս տարվա ապրիլի 11-ից 16-ին Երեւանի Մխիթար Հերացու անվան պետական բժշկական համալսարանում կհյուրընկալվի 5 նոբելյան մրցանակակիր: Այս մասին NEWS.am-ին տեղեկացրին համալսարանի լրատվական ծառայությունից:

Մրցանակակիրները կենսաքիմիայի, ֆիզիկայի եւ բժշկագիտության թեմաներով բաց դասախոսություններ կվարեն Երեւանում: Դասախոսությունները նպատակ ունեն ներկայացնելու նոբելյան մրցանակակիրների կողմից առաջ քաշված հայտնագործությունները եւ մասնագիտական դաշտում ունեցած գիտական ձեռքբերումներն ու հաջողությունները: