Ռուսաստանում թուրքական կապիտալ ունեցող խոշորագույն բանկը՝ «Կրեդիտ Եվրոպա բանկը», վաճառքի է հանվել, հայտնում է «Կոմերսանտ»-ը՝ վկայակոչելով բանկային շուկայում իր աղբյուրները։ Թերթի տեղեկություններով՝ վաճառքի պատճառը ռուս-թուրքական հարաբերությունների վատթարացումն է։
Հունվարի կեսին «Կրեդիտ Եվրոպա բանկը» հանվել էր վաճառքի։
Գնորդի որոնմամբ զբաղվում է Morgan Stanley ներդրումային բանկը։
Թերթը հայտնում է, որ «Կրեդիտ Եվրոպա բանկը» բիզնեսի ծավալով Ռուսաստանում խոշորագույն բանկն է, որը 99.9 տոկոսով թուրքական կապիտալ ունի։ Բանկի բաժնեմասերը պատկանում են Credit Europe Bank NV (Հոլանդաիա) ընկերությանը, որի վերջնական շահառուն Թուրքիայի քաղաքացի Հյուսնյու Մուստաֆա Օյզեգինն է։
«Կրեդիտ Եվրոպա բանկից» եւ Morgan Stanley-ից հրաժարվել են որեւէ մեկնաբանություն տալ։
Նշենք, որ բանկը Ռուսաստանում գործում է 1994թ.-ից։
