Google-ի գլխավոր տնօրեն Սունդար Փիչաին 199 մլն դոլարի տարեկան բոնուս է ստացել, հայտնում է Bloomberg-ը։
Համապատասխան որոշումը կայացրել է Alphabet Inc. ընկերությունը, որին պատկանում է Google-ը։ Ընդ որում, Փիչաին չի կարող անմիջապես օգտագործել գումարը. բոնուսը վճարելու են ընկերության բաժնեմասերի տեսքով (273 հազար բաժնեմաս) եւ միայն 2019թ., եթե մենեջերը դեռեւս Google-ի աշխատակից լինի, փոխանցում է Gazeta-ն։
Հաղորդվում է, որ սա ընկերության պատմության մեջ ամենախոշոր պարգեւատրումն է, եւ բոնուսը ստանալու դեպքում Փիչաին կդառնա աշխարհի ամենաբարձր վարձատրվող թոփ մենեջերներից մեկը։