Քալիֆորնիական Բերքլի համալսարանի գիտնականները շարունակում են կատարելագործել CRAM նախագծով ստեղծված ռոբոտ- խավարասերը, հայտնում է Gazeta–ն՝ վկայակոչելով Verge–ը:
« Միակցված մեխանիզմներով սեղմվող ռոբոտը» (այսպես է վերծանվում հապավումը) հոդակապերով էկզոկմախք ու փափուկ թաղանթ ունի : Այսպիսով ռոբոտը կարող է փոխել իր ձեւը ու անցնել նեղ տեղերով՝ օրինակ որոնողական փրկարարական աշխատանքներ կատարելիս: Նախագիծը մասամբ ֆինանսավորում է ամերիկյան բանակը:
Խավարասեր ռոբոտի կոնստրուկցիան շատ դիմացկուն է՝ իր միջատ նախատիպի նման: Խավարասերը կարող է դիմանալ իր մարմնի զանգվածը հարյուրապատիկ գերազանցող ճնշմանը:
Գիտնականները շարունակում են կատարելագործել մոդելը, որն առայժմ կարողանում է շարժվել ուղիղ ու կուչ գալ: Հետագայում սարքը պետք է սովորի շրջվել, ցատկել ու ուղղահայաց մակերեսներ մագլցել:
