Եթե Հայաստանում արմատական ընդդիմությունը միավորվի,  կարող է հաղթել 2017թ. խորհրդարանական ընտրություններում։ Այս մասին փետրվարի 9-ին լրագրողներին ասել է Հայաստանի նախկին վարչապետ, «Ազատություն» կուսակցության ղեկավար Հրանտ Բագրատյանը։ Ի թիվս այդ ուժերի՝ նա նշել է «Ազատ դեմոկրատներին», «Ժառանգությունը», «Քաղաքացիական պայմանագիրը», «Հանրապետությունը»,  ՀԱԿ-ը, «Նոր Հայաստան» շարժումը։ «Ես բոլոր այդ ուժերին հրավիրել եմ, կներեք, եթե ինչ-որ մեկին մոռացել եմ, հրավիրում եմ հիմա՝ ամբողջովին իրավահավասար պայմաններով։ Տեղերը ցուցակում թող որոշվի վիճակահանությամբ, իսկ որոշումների կայացումը պետք է լինի կոլեգիալ։ Միայն այդպես մենք կհաղթենք»,- ասել է նա։