Կրեմլը կարծում է, որ ՌԴ նախագահ Վլադիմիր Պուտինին օկուպանտ անվանած Թուրքիայի նախագահ Ռեջեփ Թայիփ Էրդողանի հայտարարությունը սխալ է եւ աբսուրդ, հայտնում է Lenta-ն։
Պուտինի մամուլի խոսնակ Դմիտրի Պեսկովը նշել է, որ Ռուսաստանի Ռազմատիզերական ուժերը Սիրիայի տարածքում օրինական հիմունքներով են գործում։ «Հետեւաբար ոչ մի օկուպացիայի մասին խոսք լինել չի կարող ո՛չ դե յուրե, ո՛ր դե ֆակտո» ,- ընդգծել է Պեսկովը։
«Վերջին մի քանի տասնամյակում հարաբերություններն ամենավատ վիճակում են։ Եվ հետեւաբար մենք արձանագրում ենք, որ Ռուսաստանը չէ դրա մեղավորը։ Թուրքիան ագրեսիվ եւ դավաճան քայլեր է կատարել ու ներողություն չի խնդրել։ Այդ պատճառով հարաբերությունների կարգավորման ճանապարհների մասին խոսք չկա»,- ասել է Պեսկովը։
Փետրվարի 7-ին Hurriyet-ին տված հարցազրույցում Էրդողանը դիմել էր Պուտինին եւ ասել. «Ի՞նչ եք Դուք անում Սիրիայում։ Դուք, ըստ էության, օկուպանտ եք»։
