ԱՄՆ Ֆլորիդայի նահանգի իշխանությունները կալանավորել են 23-ամյա Ջոշուա Ջեյսմին, որը ալիգատորին նետել էր ճանապարհամերձ սրճարանի պատվերների պատուհանից ներս, հայտնում է Lenta-ն՝ վկայակոչելով CNN-ը։
Ոստիկանության տվյալներով՝ ամերիկացին Ռոյալ Փալմ Բիչ գյուղում մոտեցել էր Wendy’s ռեստորանին եւ գազավորված հյութ պատվիրել։ Երբ մատուցողը վերադարձել էր, տղամարդը վերցրել էր բաժակը եւ հետեւի նստատեղից վերցնելով մեկ մետր երկարությամբ ալիգատորին՝ նետել էր պատվերներն ընդունող պատուհանից ներս։
«Նա սիրում է նման կատակներ անել, միայն թե հիմա այդ հիմար կատակը լուրջ հետեւանքներ է ունեցել»,- WPTV հեռուստաալիքին պատմել է ձերբակալվածի մայրը։
Միջադեպը տեղի էր ունեցել 2015թ. հոկտեմբերին, սակայն Ջեյսմին միայն հիմա են ձերբակալել։ Նրան մեղադրանք են ներկայացրել ծանրացուցիչ հանգամանքներում հարձակում գործելու մեջ։