Սիրիայի մայրաքաղաք Դամասկոսում երեքշաբթի տեղի ունեցած պայթյունի պատասխանատվությունը ստանձնել են ԻՊ ահաբեկչական խմբավորման ակտիվիստները, հայտնում է «Ալ Ջազիրա» հեռուստաալիքը։
Ավելի վաղ հաղորդվում էր, որ ականապատ մեքենան պայթել էր Բարզա թաղամասում՝ Սիրիայի ՆԳՆ սպայական ակումբի մոտ։ Մահապարտը փորձել էր մտնել ակումբ, սակայն նրանց կանգնեցրել էին հսկիչ անցակետի մարտիկները։ Նրան ձերբակալելիս մահապարտը գործի էր դրել պայթուցիկը։
Նախնական տեղեկություններով՝ ահաբեկչությունից զոհվել է 4 մարդ, եւս 14-ը վիրավոր են, փոխանցում է «ՌԻԱ Նովոստի»-ն։
