Իրաքում շիական «Հիզբոլլահ» կուսակցությունը խոստացել է դժոխքի դռները բացել Սաուդյան Արաբիայի զինծառայողների համար, եթե Էր Ռիադը զորք ուղարկի Սիրիա։ Այս մասին ասված է այդ կուսակցության ռազմականացված թեւի հրամանատարության «Հիզբոլլահի բրիգադ»-ի հայտարարության մեջ, փոխանցում է ՏԱՍՍ-ը։

«Սաուդյան Արաբիայի կողմից Իրաքի կամ Սիրիայի տարածք զորք ուղարկելը  դժոխքի դռները կբացի սաուդցի զինվորների համար»,- ասված է հայտարարության մեջ։ «Հիզբոլլահի բրիգադ»-ի հրամանատարությունը նշել է, որ ԻՊ վարձկաններն արդեն վճարել են Սիրիայում իրենց հանցավոր պլանների համար, եւ Սաուդյան Արաբիային կոչ է արել ռիսկի չդիմել ու չկրկնել ԻՊ-ի տխուր փորձը։

«Հիզբոլլահի բրիգադ»-ը համարվում է Իրաքում շիական ոստիկանության ամենաազդեցիկ ջոկատը, որը տեղի աշխարհազորայինների հետ պայքարում է ԻՊ-ի դեմ։