Թայվանի հարավում հզոր երկրաշարժի զոհերի թիվը հասել է 43-ի: Ավելի քան 100 մարդ անհետ կորած է համարվում:
Տարերքի զոհերի մեծամասնության մահվան պատճառը Թայնանի շրջանում 17 հարկանի շենքի փլուզումն է: Ողբերգության վայրում շարունակվում է փրկարարական գործողությունը, տեղեկացնում է ՏԱՍՍ-ը:
Փետրվարի 9-ին Թայվանի դատախազը երկրաշարժի հետեւանքով փլուզված շենքի կառուցապատողի ձերբակալության թույլտվություն է տվել : Հետագայում տեղական ԶԼՄ-ները հաղորդել են նրա ձերբակալության մասին:
6,4 մագնիտուդով երկրաշարժը տեղի է ունեցել փետրվարի 6-ի գիշերը: Կղզու հարավ-արեւմուտքում գտնվող Թայնանի հատուկ շրջանում մոտ տասը շինություն է ավերվել: