Ամերիկյան Վիսկոնսին նահանգում հարբած ծնողները մեքենայի ղեկը վստահել են 10-ամյա դստերը: Ավտոմեքենայում նաեւ նրանց 11 ամսական փոքրիկն է եղել:
Գործով նախնական լսումները կայացել են Փոլք շրջանի դատարանում: Ըստ Reuters-ի, 36-ամյա Ջեյսոն Ռոթն ու 32-ամյա Ամանդա Ագգերտն իրենց մեղավոր չեն ճանաչել նրանում, որ անզգուշությամբ երեխաներին վտանգի են ենթարկել:
Lenta-ի փոխանցմամբ, հունվարի 31-ին ոստիկանությունը հաղորդագրություն է ստացել քաոսային երթեւեկության մասին: Շերիֆի օգնականն արդեն կայանված մեքենայում երկու անչափահաս երեխայի է գտել: Իրավապահները պարզել են, որ մեքենան վարել է 10-ամյա աղջիկը: Ծնողներին ձերբակալել են: