Բավարիայում երկաթուղային պատահարի հետեւանքով զոհերի թիվը հասել է 10-ի: Այս մասին հաղորդել է տեղի ոստիկանությունը:
Իրավապահների հաղորդագրության համաձայն, մեկ մարդ նախկինի պես անհետ կորած է համարվում, 17 հոգի ծայրահեղ ծանր վիճակում է: Եվս 63 վիրավորի վիճակը բավարար է գնահատվում:
Ըստ ՌԻԱ Նովոստիի, ուղեւորատար երկու գնացքները բախվել են փետրվարի 9-ին: Դեպքը տեղի է ունեցել Բավարիայի Բադ Այբլինգ քաղաքի մերձակայքում: Պատահարի հետեւանքով մի քանի վագոններ դուրս են եկել ռելսերից:
