ԱՄՆ նախագահ Բարաք Օբաման առաջարկել է 2017 թվականի բյուջեի նախագծում ավելացնել էկոլոգիապես մաքուր էներգետիկայի, գիտական հետազոտությունների եւ քաղցկեղի դեմ պայքարի ոլորտներում ներդրումները: Այս մասին հաղորդում է Սպիտակ տունը:
Ըստ ՌԻԱ Նովոստիի, կենսաբժշկության հետազոտությունների համար 33.1 մլրդ դոլար է հատկացվում՝ Առողջապահության ազգային ինստիտուտի ֆինանսավորման տեսքով: էլոկոգիապես մաքուր էներգիայի ոլորտում հետազոտությունների համար առաջարկվում է 7.7 մլրդ դոլար հատկացնել. 20%-ով ավելի, քան 2016 ֆինանսական տարում:
Գիտական հետազոտությունների ոլորտին 14.6 մլրդ դոլար է հատկացվում, իսկ ուռուցքային հիվանդությունների դեմ պայքարին՝ 1 տրլն դոլար:
Ավելի վաղ Օբաման առաջարկել էր նավթի հարկ սահմանել. 10 դոլար՝ յուրաքանչյուր բարելի համար:
Ակնկալվում է, որ ԱՄՆ Կոնգրեսը վերահսկող հանրապետականները կհրաժարվեն ընդունել Օբամայի առաջարկած 2017 թվականի բյուջեն, եւ ֆինանսական գլխավոր փաստաթղթում կներառվի նախագահի առաջարկությունների միայն մի մասը:
