Ռուսաստանը մերժել է 3 մլրդ դոլարի պարտքի վերակազմավորման շուրջ Ուկրաինայի նոր առաջարկը: Այս մասին հաղորդում է Bloomberg-ը՝ վկայակոչելով բանակցություններին մոտ կանգնած աղբյուրի:
Ըստ ՌԻԱ Նովոստիի, առաջարկն արել է Ուկրաինայի ֆինանսների նախարար Նատալյա Յարեսկոն՝ Գերմանիայի գործընկեր Վոլֆգանգ Շոյբլեի միջոցով, Դավոսի միջազգային տնտեսական համաժողովի ժամանակ:
Ռուսական ֆինանսների նախարարությունում ՏԱՍՍ-ին հաղորդել են, որ Գերմանիայի ֆինանսների նախարարությունը ռուսական իշխանություններին Ուկրաինայի պարտքի վերակազմավորման շուրջ առաջարկ է փոխանցել:
Գերատեսչությունում նաեւ նշել են, որ պարտքի վերակազմավորման պայմաններն ավելի վատն են ուկրաինական եվրոբոնդերի կոմերցիոն սեփականատերերի ներկայացրած առաջարկներից:
