Անկարայում ԱՄՆ դեսպան Ջոն Բասսին կանչել են Թուրքիայի ԱԳ նախարարություն՝ կապված սիրիական քրդերի մասին ամերիկյան պետքարտուղարության հայտարարությունների հետ: NTV հեռուստաալիքի փոխանցմամբ, դիվանագետին փոխանցվել է այդ հարցի շուրջ «ԱՄՆ դիրքորոշման առնչությամբ Թուրքիայի մտահոգությունը»:
Ավելի վաղ ԱՄՆ պետքարտուղարության պաշտոնական ներկայացուցիչ Ջոն Քիրբին հայտարարել էր, որ Վաշինգտոնը «Ժողովրդական ինքնապաշտպանության ուժերն (ԺԻՈՒ) ահաբեկչական խմբավորում չի համարում եւ շարունակելու է սատարել նրանց»: ԺԻՈՒ-ն Դեմոկրատական միություն կուսակցության մարտական թեւն է, որին Անկարան համարում է ահաբեկչական կազմակերպություն եւ Քրդական աշխատավորական կուսակցության սիրիական թեւը:
Ըստ ՏԱՍՍ-ի, Քիրբին հաստատել է, որ Թուրքիայում ԱՄՆ դեսպանը կանչվել է Թուրքիայի ԱԳՆ՝ կապված քրդական հարցում Անկարայի եւ Վաշինգտոնի միջեւ տարաձայնությունների հետ: