ՆԱՏՕ-ն դիտարկում է Արեւելյան Եվրոպայում եւ Բալթյան երկրներում մի քանի հարյուր զինծառայողների տեղակայելու պլանը, հայտնում է  Gazeta-ն՝ վկայակոչելով The Telegraph-ը։

Պարբերականի տեղեկություններով՝ 500-ից մինչեւ հազար զինծառայողներից բաղկացած ստորաբաժանումները կարող են մեկնել Էստոնիա, Լատվիա, Լիտվա, Լեհաստան, Ռումինիա եւ Բուլղարիա։ Թերթը նշում է, որ զինվորների մեծ մասը լինելու է ԱՄՆ-ից, Մեծ Բրիտանիայից եւ Գերմանիայից։

Զինծառայողներին տեղաբաշխելու են ռոտացիոն հիմունքներով։ Հավանաբար կլինեն  նաեւ հատուկ նշանակության ստորաբաժանումներ, որոնք իրենց տնօրինության տակ կունենան երկիր-օդ դասի հրթիռներ, գրոհիչ օդանավեր եւ ուղղաթիռներ։