Իրանի նավթի նախարար Բիջան Զանգանեն հայտնել է, որ իրանական կողմը պատրաստ է Սաուդյան Արաբիայի հետ քննարկել միջազգային նավթային շուկաներում ստեղծված իրավիճակը, հայտնում է Gazeta-ն՝ վկայակոչելով PressTV-ն։
«Մենք պաշտպանում ենք ՕՊԵԿ անդամ երկրների, այդ թվում՝ Սաուդյան Արաբիայի հետ երկխոսության եւ համագործակցության ցանկացած ձեւաչափ»,- ասել է նա։
Զանգանեի խոսքով՝ Պարսից ծոցի որոշ երկրներ հայտնել են, որ փորձեր են կատարվում նավթի ցածր գինը պահելու միջոցով տնտեսական շահի հասնել։ Սակայն նախարարը նշել է, որ այն, ինչին ձգտում է Իրանը, բացարձակապես տնտեսական շահի համար չէ։
«Քաղաքական կամքի առկայության դեպքում նավթի գինը կկարգավորվեր մեկ շաբաթում»,- ասել է Զանգանեն։