«Կասպերսկու լաբորատորիան» հայտնել է, որ նախկինում անհայտ Poseidon խումբն արդեն 10 տարի զբաղվում է գաղտնի տեղեկություններ գողանալով՝ դրանք վերավաճառելու նպատակով։ Խմբի գործունեությունը բացահայտվել է միայն հիմա։

Ընկերության ներկայացուցիչների խոսքով՝ Poseidon-ի զոհերն են դառնում պետական հաստատությունները, էներգետիկ հոլդինգները, բանկերն ու որոշ լրատվամիջոցներ։ Խմբի անդամները գործում են միեւնույն սխեմայով. սկզբում  ընկերություններից գողանում են գաղտնի տվյալները, իսկ հետո շանտաժի միջոցով զոհերին ստիպում են իրենց հետ անվտանգության հարցերով խորհրդատվական ծառայություններ մատակարարելու մասին պայմանագրեր կնքել՝ սպառնալով վաճառել կամ հրապարակել գաղտնի տեղեկությունները, փոխանցում է Informing-ը։

Ցանցահենները գործունեություն են ծավալել ԱՄՆ-ի, Ռուսաստանիր, ՄԱԷ-ի, Հնդկաստանի, Ֆրանսիայի եւ Ղազախստանի տարածքում։