Տավուշի մարզի Դիլիջան քաղաքի զորամասերից մեկից փետրվարի 6-ից անհետացած եւ այսօր իր բնակավայրի մոտակայքում հայտնաբերված ժամկետային զինծառայող 19-ամյա Ազիզ Բաքոյանը հարազատներին չի պատմել, թե ինչու է լքել զորամասի տարածքը: Այս մասին NEWS.am-ի թղթակցին ասաց զինծառայողի հորեղբայրը՝ Իշխան Բաքոյանը:
«Եկել էր տուն, զանգեցինք ոստիկաններին, եկան, տարան։ Չհացրինք խոսել հետը, ասեց, որ մրսել ա, ոտքերը ցուրտը տարել էր»,-ասաց նա:
Ավելի վաղ NEWS.am-ը հայտնել էր, որ Տավուշի մարզի Դիլիջան քաղաքի զորամասերից մեկից ժամկետային զինծառայող, 19-ամյա Ազիզ Բաքոյանն անհետացել է: Զինծառայողի հարազատները պատմել էին, որ Ազիզը փետրվարի 6-ին առավոտյան 10.30-ից բացակայել է զորամասից:
Քիչ անց ՊՆ մամուլի խոսնակ Արծրուն Հովհաննիսյանը մեզ հետ զրույցում նշել էր, որ ոչ թե անհետացել է, այլ փախել է, այլ ինքնակամ լքել է զորամասը: Փետրվարի 10-ին Ազիզ Բաքոյանին հայտնաբերել են իր բնակավայրի՝ Օշականի մոտակայքում: