Լավրովն իրական է համարում Սիրիայում հակամարտության ռազմական լուծման վտանգը
Որոշ երկրների կողմից Սիրիայում հակամարտությունը ռազմական եղանակով լուծելու սպառնալիքը լիովին իրական է, «Մոսկովսկի կոմսոմոլեց» թերթին տված հարցազրույցում հայտնել է ՌԴ ԱԳ նախարար Սերգեյ Լավրովը :
Լավրովը նշել է, որ Մոսկվան բազմիցս առաջարկել է փաստաթղթային եղանակով հաստատել այն փաստը, որ սիրիական հակամարտության ճգնաժամը ռազմական լուծում չունի:
«Մենք եւ ԱՄՆ-ը պատրաստ էինք եւ Սիրիային աջակցության միջազգային խմբի Վիեննայի հանդիպումներին ակտիվորեն առաջարկում էինք փաստաթղթերում, իսկ հետո նաեւ ՄԱԿ ԱԽ որոշման մեջ շատ պարզ նախադասություն գրել. Սիրիական ճգնաժամը չի կարող ռազմական լուծում ունենալ: ԱՄՆ-ը, Ռուսաստանը եւ եվրոպացիները կողմ էին այդ նախադասությանը», — ասել է նախարարը:
«Սակայն տարածաշրջանից ամերիկյան որոշ դաշնակիցներ կտրականապես արգելափակեցին այդ գաղափարը: Այնպես որ, դա լիովին իրական է: Այժմ մենք հայտարարություններ ենք լսում այն մասին, թե ցամաքային ուժեր ուղարկելու պլաններ կան», — ընդգծել է Լավրովը:
