Պակիստանի Շեքհեփուրայի շրջանում ավտովթարի պատճառով առավոտյան բենզատար է պայթել։ Xinhua գործակալության տեղեկություններով՝ զոհվել է 10 մարդ, այդ թվում՝ 4 երեխա։ Եվս 20-ը վիրավորվել են։

Բենզատարը բախվել է մյուս մեքենաներին, որից հետո հզոր պայթյուն է որոտացել։ Կրակի բոցը կլանել է մոտակայքում գտնվող մեքենաները եւ փոխադրամիջոցը, որով տեղափոխում էին տեղի դպրոցի աշակերտներին։

Դեպքի վայրում աշխատում են փրկարարներն ու հրշեջները։ Միջադեպի մանրամասները պարզվում են, փոխանցում է ՏԱՍՍ-ը։