ՀՀԿ-ն եւ ՀՅԴ-ն կկիսեն ոչ թե պաշտոնները կամ նախարարական պորտֆելները, այլ որոշումներ կայացնելու պատասխանատվությունը։ Այս մասին փետրվարի 19-ին լրագրողներին ասել է ՀՀԿ պատգամավոր Խոսրով Հարությունյանը։
Պատգամավորը կարծում է, որ տրամաբանությունը, որով ՀՀԿ-ն դիմել է ՀՅԴ-ին, ամբողջովին հասկանալի է, քանի որ վերջինս պաշտպանել է սահմանադրական փոփոխությունները։ «Եթե նրանք աջակցել են, ուրեմն պետք է պատասխանատու լինեն դրանց իրագործման համար։ Հենց այդ պատճառով Սերժ Սարգսյանը դիմել է ՀՅԴ-ին եւ առաջարկել է համագործակցել այս փուլում»,- ասել է Հարությունյանը։
Նա նշել է նաեւ, որ կոալիցիան կարելի կլիներ ձեւավորել 2017թ. խորհրդարանական ընտրություններից հետո, սակայն սահմանադրական բարեփոխումները գործելու են կանչում արդեն հիմա։ Անհրաժեշտ է ընդունել նոր Ընտրական օրենսգիրք եւ փոփոխություններ կատարել մի շարք այլ օրենքներում։