Եվրոպական հանձնաժողովի կանխատեսումների համաձայն, առաջիկա երկու տարում երեք մլն ներգաղթյալ կարող է գալ Եվրոպա, գրում է Gazeta-ն` վկայակոչելով Daily Mail-ին:
MigrationWatch անկախ կենտրոնի իրականացրած հետազոտության համաձայն, 2015-ին 1,8 մլն ներգաղթյալ է անօրինականորեն անցել Եվրոպայի սահմանը, իսկ 1,27 մարդ ապաստան է խնդրել: Ներգաղթի աճի տեմպերը 95 տոկոս են կազմել:
Նշվում է, որ Եվրոպայում ապաստան փնտրելու եկած անձանց մեծ մասը սիրիացիներ են: Երկրորդ եւ երրորդ տեղերում համապատասխանաբար Աֆղանստանի եւ Իրաքի բնակիչներն են: Բացի այդ, մեծացել է տնտեսական ներգաղթյալների թիվը, ինչպես նաեւ այն անձանց, որոնք Եվրոպա են գալիս խաղաղ երկրներից, որտեղ ռազմական հակամարտություններ չկան
Այսպես, այս տարվա վեց շաբաթների ընթացքում ծովով Եվրոպա է եկել 10 անգամ ավելի շատ ներգաղթյալ, քան 2015-ի նույն ժամանակահատվածում:
Նշվում է, որ փախստականների ճնշող մեծամասնությունը Եվրոպա է գալիս Թուրքիայից: Անցյալ տարվա սկզբից ի վեր նրանց թիվը մոտ մեկ մլն մարդ է կազմել:
