ՕՊԵԿ-ը հունվարին նավթի արդյունահանման ծավալները 2015թ. դեկտեմբերի համեմատ մեծացրել է 131 հազար բարելով՝ հասցնելով օրական 32.33 մլն բարելի։ Այս մասին ասված է կազմակերպության փետրվարյան զեկույցում՝ վկայակոչելով երկրորդական աղբյուրները։
Այսպիսով՝ ՕՊԵԿ-ը նոր տարում շարունակում է գերազանցել սեփական քվոտան, որը ֆորմալ առումով կազմում է օրական 30 մլն բարել, փոխանցում է «ՌԻԱ Նովոստի»-ն։
Հունվարին նավթի արդյունահանման ծավալների աճ է նկատվել հիմնականում Նիգերիայում, Սաուդյան Արաբիայում, Իրաքում եւ Իրանում։
Աշխարհում նավթի արդյունահանման ընդհանուր ծավալները հունվարին աճել են օրական 0.3 մլն բարելով եւ կազմել 95.64 մլն բարել։
